Áıel quqy men bala qaýipsizdigi: jańa zań turmystaǵy jaǵdaıǵa qalaı áser etti

ASTANA. KAZINFORM — Іshki ister mınıstrligi elimizdegi otbasylyq janjaldar boıynsha qozǵalǵan isterge túsinik berdi.

Әйел құқы мен бала қауіпсіздігі: жаңа заң тұрмыстағы жағдайға қалай әсер етті
Коллаж: Kazinform

- Keıingi 6 jylda qabyldanǵan uıymdastyrý ári quqyqtyq is-sharalardyń nátıjesinde áıelderdiń quqyqtaryna qol suǵatyn qylmystar sany eki esege (47%-ǵa, 2019 jyly 96 337-den 2024 jyly 51 057-ge deıin) azaıdy. Onyń ishinde áıelderge qatysty jasalǵan zorlyq-zombylyq qylmystary 48%-ǵa (2019 jyly 2 947-den 2024 jyly 1 511-ge deıin), sonyń arasynda kisi óltirý 27%-ǵa densaýlyqqa aýyr zııan keltirý 25%-ǵa, áıelderge qatysty ortasha aýyrlyqtaǵy dene jaraqattaryn salý 22%-ǵa azaıdy, - delingen mınıstrliktiń Kazinform agenttigine bergen jaýabynda.

ınfografıka
Foto: Kazinform

Statıstıkalyq derekterge sáıkes, uryp-soǵý jáne densaýlyqqa qasaqana zııan keltirý qylmystarynyń krımınalızatsııasynan keıin, 2024 jylǵy 12 aıdyń qorytyndysy boıynsha (2023 jyldyń osy kezeńimen salystyrǵanda) eldiń barlyq óńirinde turmystaǵy qylmystar sany 3,7 ese artqan (923-ten 3 371-ge deıin), onyń ishinde teris qylyqtar sany 138 ese (18-den 2 486-ǵa deıin) ósken.

ınfografıka
Foto: Kazinform

- Quqyq buzýdyń osy túriniń ósýiniń negizgi sebepterine toqtalsaq, bul - 2024 jyldyń 16 maýsymynan bastap engizilgen zańdaǵy jańashyldyqtyń nátıjesi. Bul rette, uryp-soǵý men densaýlyqqa jeńil zııan keltirýdi krımınalızatsııalaý arqyly múmkin boldy. Uryp-soǵý jáne densaýlyqqa jeńil zııan keltirý qylmystyq teris qylyq bolyp sanala bastady. Osylaısha, barlyq tirkelgen (3 371) derektiń 2 486-sy teris qylyqtar (74%), ıaǵnı qylmystyq quqyq buzý retinde sanaldy. Sonymen qatar, krımınalızatsııa engizilgennen keıin, turmystaǵy zorlyq-zombylyq salasyndaǵy qylmystyq quqyq buzý derekteri 2,2%-ǵa (905-ten 885-ke deıin), onyń ishinde aýyr qylmystardy, kisi óltirý 6,4%-ǵa (125-ten 117-ge deıin), densaýlyqqa aýyr zııan keltirý 25,5%-ǵa (337-den 251-ge deıin), densaýlyqqa ortasha aýyrlyqtaǵy zııan keltirýdi 12%-ǵa (336-dan 296-ǵa deıin) tómendetýge múmkindik týdy, - dep atalyp ótken vedomstvo aqparatynda.

ınfografıka
Foto: Kazinform

Otbasyndaǵy zorlyq-zombylyq quqyq buzý áreketterin azaıtý úshin polıtsııa qyzmetkerleri kelip túsken barlyq ótinishter boıynsha den qoıý sharalaryn qabyldaıdy. Esepti kezeńde 108 myń janjalqoı ákimshilik jaýapkershilikke tartyldy, onyń ishinde 30 myńy (30 185) qamaýǵa alyndy.

- Turmystaǵy zorlyq-zombylyq qurbandaryn qorǵaý maqsatynda ýchaskelik polıtsııa ınspektorlary 85 myń qorǵaý nusqamasyn shyǵardy. Polıtsııanyń ótinishi boıynsha sottar quqyq buzatyn adamdardyń minez-qulqyna 18 myń erekshe talap ornatty. Barlyǵynda baqylaý isteri júrgizilip, polıtsııanyń kúsheıtilgen baqylaýy belgilendi, - dep túsindirdi mınıstrlik mamandary.

Eske salsaq, byltyr sáýir aıynda Prezıdent áıel quqyǵy men balalardyń qaýipsizdigin qamtamasyz etetin zańdarǵa qol qoıdy.

Сейчас читают