Áıel - Іshki ister organdarynyń qyzmetkeri, áıel - ana, áıel - otbasy oshaǵyn saqtaýshy
ASTANA. Tamyzdyń 14-i. QazAqparat - Qazaqstan Respýblıkasy ІІM Úkimettik mekemelerdi kúzetý jónindegi polıtsııa polkiniń psıholog mamandary - qyzmet aǵa ınspektory A. Nurysheva men polıtsııa serjanty S.Alınanyń uıymdastyrýymen «Áıel - Іshki ister organdarynyń qyzmetkeri, áıel - ana, áıel - otbasy oshaǵyn saqtaýshy» aıdarymen áıel azamatshalar arasynda jınalys ótkizilip, aıtylǵan taqyrypta ózekti máseleler kóterildi.
Osy uıymdastyrylǵan is-sharaǵa arnaıy shaqyrylǵan Astana qalasy ІІD Qoǵamdyq qaýipsizdik basqarmasynyń Áıelder quqyǵyn qorǵaý bólimniń aǵa ınspektory D. Toqsaıtovaǵa áıel qyzmetkerlerdiń óz quzyryndaǵy quqyǵyn jete túsindirý úshin sóz berilse, Kadr jumysy basqarmasynan kelgen jeke quram ınspektory B.Ahmanova búgingi kúngi keıbir materıaldyq jaǵdaılarǵa baılanysty bolatyn ár túrli jaǵdaılardyń tirkeletinin aıta kele, keleshekte jalpy áıel azamatshalardyń esh kedergige kezdespeı, jaqsy ómir súrýine barlyq jaǵdaı jasalý kerek ekenin atap ótti.
Sondaı-aq «Aısha» qoǵamdyq qorynyń Ábish Nazarbaıuly meshitinen kelgen Aısha qajy Ábish kelini din bar jerde ınabattylyq, tazalyq, adaldyq sııaqty adam boıyndaǵy negizgi asyl nárseler birge júretinin jetkizip, óz oıyn ortaǵa salsa, Astana qalasyndaǵy №1-inshi emhananyń mammolog-dárigeri G.Seıtimbekova polk qyzdarynyń suraqtaryna jaýap berdi.
