Áıel áskerı qyzmetshilerdiń balalary kózderi baılaýly kúıinde de analaryn áp-sátte taýyp aldy - VIDEO/FOTO
ASTANA. QazAqparat - «Batyr arýlar» respýblıkalyq baıqaýynyń qatysýshylary - QR Qarýly Kúshteriniń áıel áskerı qyzmetshileri, sondaı-aq byltyrǵy jyldyń baıqaý jeńimpazdary ózindik eksperıment ótkizip, «olardyń balalary kózderi baılaýly kúıinde óz analaryn taba ala ma, álde joq pa?» degen suraqtyń jaýabyn izdep kórdi.
Búgin - Balalardy qorǵaý kúni. QR QK-niń áıel áskerı qyzmetshileri Otandy qorǵap qana qoımaı, balalar úshin aıaýly, qamqor ana bola alatyndaryn kórsetkileri keldi.
Búgin qyz-kelinshek áskerı qyzmetshiler arasyndaǵy ekinshi «Batyr arýlar» respýblıkalyq baıqaýynyń 12 jeńimpazy anyqtalǵanyn aıta ketken jón. 80-nen asa qatysýshy úzdik áskerı qyzmetshi ataǵyna talasty. Endi olar udaıy jaýyngerlik ázirlikte bolatyndaryn, júktelgen tapsyrmalardy únemi sátti oryndaıtyndaryn dáleldeý qajet.
