Áıel alty kúnniń ishinde bir ul eki qyzdy dúnıege ákeldi
ASTANA. QazAqparat - Qytaı turǵyny alty kúnniń aralyǵynda bir ul jáne eki qyzdy dúnıege ákeldi. Bul týraly Daily Mail habarlaıdy.
21 aqpanda áıeldiń tolǵaǵy bastalǵan. Ony Hýbeı provıntsııasyndaǵy Ichan qalasyndaǵy aýrýhanaǵa jetkizedi. Alǵashqy náreste ómir esigin ashqan sátte tolǵaq toqtaıdy. Bosaný merziminen segiz apta buryn bastalǵandyqtan dárigerler áliptiń artyn baǵýdy uıǵarady. Bir qyzyǵy, 28 aqpanda tolǵaq qaıta bastalyp, ana eki qyz týdy.
Úsh sábıdiń báriniń de salmaǵy kem bolǵandyqtan shala týǵandarǵa arnalǵan bólimshege jatqyzyldy.
«Men jıyrma jyldan beri dáriger bolyp eńbek etip kelemin. Alty kún aralatyp bala týǵandy birinshi ret kórýim»,-dep málim etti aýrýhananyń bas akýsheri Chen Aıhýa.
