Áıel ákim paramen ustaldy

ASTANA. QazAqparat - Almaty oblysyna qarasty Qarasaı aýdany, Eltaı aýyldyq okrýginiń ákimi Baqytgúl Jumanbaeva jer telimderin taratýdyń qylmystyq sxemasyn uıymdastyrǵan, dep xabarlaıdy QazAqparat tilshisi. 

QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń resmı ókili Nurjan Jaxınniń aıtýynsha, okrýg ákimi jer telimderin taratqany úshin jalpy somasy 2,5 mıllıon teńge kóleminde para aldy degen kúdik bar.

"Budan basqa, jerdi nysanaly paıdalanýdy jeke qosalqy sharýashylyǵyna ózgertkeni úshin 20,5 mıllıon teńge turatyn 1 gektar jerdi syıaqy retinde alǵan. Qazirgi kezde kúdikti úıqamaqqa alyndy. Іs prokýratýraǵa joldandy", - dedi N.Jaxın Astanada ótken baspasóz máslıxatynda.

Budan bólek, Almaty oblystyq qurylys basqarmasy zań bóliminiń basshysy Bıserik paramen ustaldy. Ol bir kásiporyndy josyqsyz ónim jetkizýshiler reestrine qospaǵany úshin 10 mln teńge kóleminde zańsyz syıaqy aldy degen kúdik bar. Sot sanktsııasy boıynsha Bıserik qamaýǵa alyndy.

"Sondaı-aq, qurylys nysandary boıynsha aralyq jumystar aktisine qol qoıǵany úshin 100 myń teńgeniń parasyn alǵan ınjenerlik jeliler qurylysy bólim basshysynyń mindetin atqarýshy Quljanovtyń áreketi áshkerelendi. Ol óz kinásin tolyǵymen moıyndady. Sol sebepti oǵan qatysty protsessýaldyq ustaý sharasy qoldanylǵan joq. Sotqa deıingi tergeý júrgizilýde", - dep atap kórsetti N.Jaxın.