Áıel adamnyń daýysy onyń jumysqa ornalasýyna áser etedi
ASTANA. QazAqparat - Báseń, qyryldap qarlyqqan daýysty jas áıelder áńgimelesýdiń qorytyndy kezeńinen ótpeı qalady, dep kórsetti Maıamı ýnıversıtetiniń zertteýi. ıAǵnı, shińkildegen tómen daýys áıel adamnyń tartymsyz bolmysyn qalyptastyrady eken. Bul ásirese, jumys izdeýshi áıelder úshin óte mańyzdy, dep jazady The Deccan Chronicle.
Ol úshin tájirıbe júrgizilip, jeti jas áıel men er adam ózderiniń qalypty jáne sál qarlyqqan daýystaryn jazyp alǵan. Keıin jazyp alǵan daýystaryn 800 erikti bar toptyń ishinde oınatqan. Olar jazylǵan daýys ıesiniń qanshalyqty bilimdi, bilikti, senimdi jáne tartymdy adam ekenin anyqtaý kerek boldy. Sonymen birge, olar daýysty tyńdaý arqyly kimdi jumysqa alatyndyqtaryn aıtqan.
Nátıjesinde, eriktiler 80 paıyz jaǵdaıda qalypty daýys ıelerin tańdaǵan. Daýysty jazý kezinde adam daýysyn ádeıi qarlyqtyrsa, eriktiler ony tómen baǵalap, jumysqa qabyldaǵysy kelmeıtindikterin kórsetken. Qarlyqqan daýys ıeleri senimsiz adamdar dep sanalsa kerek.
