Áıel adamdy zorlap, óltirgeni úshin izdeýde júrgen QR azamaty Taılandtan ustaldy
ASTANA. QazAqparat - Taılandta áıeldi zorlap óltirgeni úshin izdeýde júrgen qazaqstandyq Syrym Parmanov ustaldy, dep habarlady taılandtyq Pattaya Daily News basylymy.
Gazettiń habarlaýynsha, jýyrda kóshi-qon polıtsııasynyń maıory Tamrong Sengvattanakýnge aýyr qylmys jasaǵany úshin izdeýde júrgen Qazaqstan azamaty SP Village úıinde jasyrynyp júrgeni týraly habar kelip tústi. Jedel top Parmanovty ustaýǵa shyqty.
Oqıǵa ornyna kelgen polıtseıler jalǵa alynǵan úıdiń mańynan 37 jastaǵy er adamdy baıqaıdy. "Polıtseıler Qazaqstan bıligi bergen qamaýǵa alýǵa ruqsat qujatyn kórsetip, dáıekteme retinde tólqujatyn alyp, kúdiktini ustady", - delingen jarııalanymda.
Taıland polıtsııasy túsindirgendeı, kóshi-qon polıtsııasyna Qazaqstan Elshiliginen Qazaqstanda áıel adamdy zorlap óltirgen qylmystyq toptyń múshesi Parmanovty qolǵa túsirýge járdemdesý ótinishi kelip túsken. Qylmys 2010 jyly jasalǵan.
