Áıel adamdy Astanada memqyzmetke ornalastyramyn dep ýáde bergen alaıaq úsh jylǵa sottaldy - qalalyq prokýratýra
ASTANA. 25 qarasha. QazAqparat - Áıel adamdy aqshalaı syılyqqa memlekettik qyzmetke ornalastyramyn dep ýáde bergen alaıaq shartty túrde úsh jylǵa sottaldy,
dep habarlady elordanyń qalalyq prokýratýrasynyń baspasóz qyzmetinen.
Maýsym aıynyń basynda japa shekken M.esimdi azamatsha M.esimdi azamattan ózin memlekettik qyzmetke ornalastyrýyn suraǵan. Áıeldiń oǵan senim artqanyn paıdalanǵan alaıaq aldaý jolymen odan aqsha alǵan. Japa shegýshini QR Aýyl sharýashylyǵy mınıstrliginiń ınvestıtsııalyq departamentine sarapshy retinde jumysqa kirgizetinin aıtyp, sendirgen. Bul qyzmeti úshin odan 7 myń AQSh dollary kóleminde aqsha talap etken.
Óziniń qylmystyq oıyn júzege asyrmaq bolǵan ol QR AShM kadrlyq jáne ákimshilik qamtamasyz etý departamentiniń personaldardy damytý basqarmasyna telefon shalyp, ózin bılik ókili, ıaǵnı, Prezıdent Ákimshiligi keńsesiniń basshysy retinde tanystyryp, áıel adamdy QR AShM ınvestıtsııalyq saıasat departamentine jumysqa ornalastyrýlaryn talap etken.
«№2 Almaty aýdandyq sotynyń sheshimine sáıkes 2013 jylǵy 24 qazan kúni alaıaqtyq jasaǵany úshin M.esimdi azamat sharty túrde úsh jylǵa bas bostandyǵynan aıyryldy», - dep jazylǵan vedomstvonyń baspasóz habarlamasynda.
