Áıel 6 jasar qyzymen birge bank tonady
ASTANA. QazAqparat - Nıý-Iorkte áıel bank tonaýǵa alty jasar qyzymen birge barǵan, dep habarlaıdy CBS New York telearnasy.
Polıtsııa málimetinshe, 28 jastaǵy Dıana Marını Chase bankine kirip, kassırge qolda bar qarajatty berýin talap etken habarlamany tapsyrǵan.
Bank qyzmetkeri onyń talabyn oryndaǵan soń, áıel aqshany alyp, kútip turǵan taksıge otyryp ketip qalady. Taksıdiń ishinde onyń 6 jasar qyzy otyrǵan.
Kóliktiń izine túsken polıtsııa kóp uzamaı ury otyrǵan kólikti toqtatyp, ishinen balaly áıeldi ustady.
Marınıge urlyq jáne bala ómirine qaýip tóndirgeni úshin aıyp taǵyldy. Kishkentaı qyz otbasynyń basqa múshelerine tabystaldy.
