Aıdyń sońynda Vankýver olımpıadasynda synǵa túsetin sportshyladyń esimderi belgili bolady
ASTANA. Qańtardyń 19-y. QazAqparat /Ernur Aqanbaı/ - Osy aıdyń sońynda 2010 jylǵy aqpannyń 12-28-i kúnderi Kanadanyń Vankýver qalasynda ótetin 21-shi qysqy olımpıada oıyndarynda Qazaqstan namysyn qorǵaıtyn sportshylardyń aty-jónderi belgili bolady,
dep habarlaıdy QazAqparat «Bizdiń sport» saıtyna silteme jasap.
Ázirge bizdiń sportshylar 37 lıtsenzııany jeńip aldy. Alaıda, bul shek emes, tórtjyldyqtyń basty jarysy bastalǵanǵa deıin lıtsenzııalyq jarystar jalǵasatyn bolady. Jeńip alynǵan lıtsenzııalardyń jartysyna jýyǵy shańǵyshylarymyzdyń enshisinde. Shańǵy jarysynan halyqaralyq arenada jaqsy óner kórsetýleriniń arqasynda sportshylarymyz toǵyz lıtsenzııaǵa ıe boldy, onyń beseýi erlerdiki, tórteýi áıelderdiki. Bıatlonshylarymyz da aq olımpıadaǵa toǵyz lıtsenzııa aldy. Al, shańǵymen tuǵyrdan sekirýshilerimiz bes, frıstaıshylarymyz bes, konkımen júgiretin sportshylarymyz tórt lıtsenzııa ıelense, taý shańǵysy sporty boıynsha eki, mánerlep syrǵanaýdan eki lıtsenzııa qanjyǵamyzda. Bir qapalandyratyny, shaıbaly hokkeıden Qazaqstan quramasy lıtsenzııaǵa ıe bola almady. Jalpy,sporttyń komandalyq túri boınysha Qazaqstan quramasy olımpıadaǵa qatyspaıdy.
