Aıdyń ekinshi jaq betine alǵash ret ǵarysh kemesi qondy
ASTANA. QazAqparat - Qytaıdyń «Chane-4» avtomattandyrylǵan ǵarysh kemesi adamzat tarıhynda alǵash ret Aıdyń ekinshi jaq betine qondy, dep habarlaıdy «QazAqparat» HAA bbc.com saıtyna silteme jasap.
Qytaılyq BAQ-tyń málimetinshe, «Chane-4» ǵarysh apparaty Aıdyń arǵy betine 3 qańtar kúni Qytaı ýaqytymen saǵat 10:26-da qonǵan. Bul, ǵarysh kemesiniń Jerdiń tabıǵı seriginiń arǵy betine tarıhtaǵy alǵashqy sátti qonýy boldy.
Ǵarysh apparaty Aıdyń teris betindegi qorshaǵan ortany, ústińgi qabatyn, topyraǵyn zertteýge arnalǵan quraldarmen jabdyqtalǵan. Budan basqa, «Chane-4» onyń betinde bıologııalyq eksperımentter júrgizetin bolady.
Qytaı Ulttyq ǵarysh basqarmasy (CNSA) Aıdyń arǵy betiniń alǵashqy sýretterin jarııalap úlgerdi.
