Aıdyn Bıkebaev: Jeke detektıvter týraly zań qabyldaý kerek

ASTANA. QazAqparat - Jeke detektıvter týraly zań qabyldaý kerek. Mundaı pikirdi Respýblıkalyq advokattar alqasynyń tóraǵasy Aıdyn Bıkebaev bildirdi, dep habarlaıdy QazAqparat tilshisi.

«Bolashaqta jeke detektıvter týraly zań qabyldaý kerek. Óıtkeni advokat óz júrip, barlyǵyn teksere almaıdy. Ol detektıvterdi jaldap, aqshasyn tólep, sondaı jumystardy istetýi qajet. Biraq, onyń qarapaıym halyqqa kómegi tımeýi múmkin. Óıtkeni barlyǵy aqsha ǵoı. Meniń oıymsha, sot protsesindegi tepe-teńdikti naqty belgileý kerek. Advokattyń mártebesin arttyryp, kepildikter berý qajet. Sebebi advokattarǵa qysym kórsetilýi múmkin», - dedi ol Bas prokýratýrada ótken Memlekettik aıyptaýshylar forýmy aıasynda BAQ ókilderine bergen suhbatynda.

Onyń atap ótýinshe, advokattar bir zań buzýshylyq jasasa, onda ol lıtsenzııasynan aıyrylady. Elimizde mundaı jaǵdaılar da oryn alǵan.

«Qazir Ádilet mınıstrligimen bir kelisimge kelip jatyrmyz. Olar sotqa shaǵymdanýdyń aldynda bizdiń ózimizdiń tártiptik komıssııaǵa aryz túsirý kerek. Tártiptik komıssııa qatarymyzdan kimdi shyǵaratyndyǵymyzdy, kimdi qaldyratyndyǵymyzdy sheshýi tıis. Byltyr ózimizdiń tártiptik komıssııanyń sheshimimen 22 advokat qatarymyzdan shyǵaryldy. Al Ádilet mınıstrliginiń statıstıkasyn bilmeımin», - dedi Aıdyn Bıkebaev.