Aıdyn Aıymbetovke «Qazaqstannyń ǵaryshker-ushqyshy» qurmetti ataǵy berildi

ASTANA. QazAqparat - Memleket basshysy Nursultan Nazarbaevtyń Jarlyǵymen Qazaqstan Respýblıkasynyń ǵaryshkeri Aıdyn Aıymbetovke «Qazaqstannyń ǵaryshker-ushqyshy» qurmetti ataǵy berildi.

Qazaqstan Respýblıkasy Prezıdentiniń Jarlyǵy

A.A.Aıymbetovke «Qazaqstannyń ǵaryshker-ushqyshy» qurmetti ataǵyn berý týraly

QAÝLY ETEMІN:

1. Kosmonavtıkany damytýǵa sińirgen eńbegi, «Soıýz TMA-16M» ǵarysh kemesinde ushý baǵdarlamasyn tabysty oryndaǵany úshin Qazaqstan Respýblıkasynyń ǵaryshkeri Aıdyn Aqanuly Aıymbetovke «Qazaqstannyń ǵaryshker-ushqyshy» qurmetti ataǵy berilsin.

2. Osy Jarlyq qol qoıylǵan kúninen bastap qoldanysqa engiziledi.

Qazaqstan Respýblıkasynyń Prezıdenti N.NAZARBAEV

Astana, Aqorda, 2015 jylǵy 14 qazan, №103