Aıdyn Aıymbetov turǵyndarǵa pəter kiltin tabys etti
TALDYQORǴAN. QazAqparat - El Təýelsizdiginiń 25 jyldyǵyn Almaty oblysyndaǵy Qaratal aýdanynyń turǵyndary erekshe sən-saltanatpen qarsy aldy. Mereke qarsańynda 30 otbasy baspanaly boldy. Qýanysh ıelerine pəter kiltin Aıdyn Aıymbetov tabys etti. Jerlesterin qýanyshtarymen quttyqtap, izgi nıetin bildirgen ǵaryshker jańa pəterlerdi aralap shyqty.
Aıta ketý kerek, paıdalanýǵa berilgen kópqabatty turǵyn úı kúrdeli jóndeýden ótken. Іrgetasy buzylyp, qalanyń kórkin qashyrǵan nysan tolyqtaı qaıta qalpyna keltirildi. Bul maqsatqa bıyl oblystyq bıýdjetten 166 mln. teńge qarjy bólindi. Tamyz aıynda bastalǵan jumys ýaqytynda aıaqtaldy. Jańaǵa bergisiz qalypqa engen turǵyn úı, el ıgiligine berildi.
Halyq qaharmanyna Qaratal aýdanynyń əkimi Qaırat Bısembaev qurmet kórsetti. Aıdyn Aıymbetovke "Qaratal aýdanynyń qurmetti azamaty" ataǵy berildi.
Aıta ketý kerek, búgingi tańda aýdan boıynsha myńǵa jýyq adam baspana kezeginde tur. Keler jyly 40 pəterlik kommýnaldyq úı paıdalanýǵa beriledi dep josparlanýda.
