Aıdyn Aıymbetov «Qazaqstan Ǵarysh Sapary UK»AQ vıtse-prezıdenti bolyp taǵaıyndaldy (FOTO)
A.Aıymbetovti «Qazaqstan Ǵarysh Sapary UK» AQ-nyń ǵarysh júıelerin qurý jáne paıdalaný boıynsha vıtse-prezıdenti retinde taǵaıyndaý týraly buıryqqa búgin, 2016 jyldyń 5 qańtarynda qol qoıyldy, dep habarlaıdy kompanııanyń baspasóz qyzmetinen.
«Qazaqstan ǵarysh sapary UK» AQ prezıdentiniń mindetterin atqarýshy Marat Nurǵojın kompanııanyń ujymyna jańa vıtse-prezıdentti tanystyrdy.
«Kompanııa Jerdi qashyqtyqtan zondtaý ǵaryshtyq júıesi men dáldigi joǵary spýtnıktik navıgatsııa júıesiniń paıdalanylýyn júrgizýde jáne men Sizdiń kompanııamyzdyń jumysynyń bul mańyzdy baǵytyn atqara alatyńyzǵa senimdimin», - dep atap ótti M.Nurǵojın.
Aıdyn Aıymbetov kompanııa basshysymen birge júrip, Jerdi qashyqtyqtan zondtaý ǵaryshtyq júıesi men dáldigi joǵary spýtnıktik navıgatsııa júıesiniń barlyq bólimsheleriniń jumysymen tanysyp, birinshi jumys keńesin ótkizdi.
«Men Qazǵarysh júıesinde jumys istedim jáne jumysymdy jalǵastyramyn», - dedi bergen qysqa suhbatynda «Qazaqstan Ǵarysh Sapary UK» AQ-nyń ǵarysh júıelerin qurý jáne paıdalaný boıynsha vıtse-prezıdenti Aıdyn Aıymbetov. «Qazirgi kezde Qazǵarysh basshylyǵy maǵan jańa ǵarysh tehnologııalary, qazaqstandyq ǵarysh júıeleriniń ónimderin jyljytýmen baılanysty jumystyń óte mańyzdy ýchaskesin senip tapsyrdy, jáne men mindetimdi oryndaımyn», - dedi ushqysh-ǵaryshker A.Aıymbetov.
