Aıdyn Aıymbetov ǵaryshta ulttyq taǵamdarmen tamaqtanady

ALMATY. QazAqparat - Aıdyn Aıymbetov ǵaryshqa ulttyq taǵam elementteri bar azyq-túlik aparady. Qazaqstandyq ǵaryshker úshin 9 tamaqtan turatyn «Dastarqan» máziri ázirlengen.

Bul týraly Qazaq taǵamtaný akademııasynyń arnaıy taǵamdar bıotehnologııasy zerthanasynyń jetekshisi ıÝrıı Sınıavskıı baıandady.

Mázirge qurǵaq bıe sútinen jasalǵan, túrli dámdeýishter, dán, qaraqat qosylǵan irimshik, qurt, kondıterlik ónimder, órik-meıizden keptirilgen shyǵys táttileri, jylqy etiniń sorpasy, lımon qosylǵan shaı engen.

«Taǵamdar «Dastarqan-6» konteınerine salynyp, Baıqońyrǵa jóneltiledi. Sol jerden ol Halyqaralyq ǵarysh stansasyna jetkiziledi. Azyq-túlik Qazaq taǵamtaný akademııasynda jasaldy. Keıin Bırıýlev eksperımentaldyq zaýytynda arnaıy qutyǵa salyndy», - dedi ıÝ.Sınıavskıı.