Aıdyn Aıymbetov Astana qalasyndaǵy «Qazǵarysh» mektep-lıtseıine bardy

ASTANA. QazAqparat - Halyq Qaharmany QR avıatsııasynyń ushqysh-ǵaryshkeri polkovnık Aıdyn Aıymbetov Astana qalasynyń elordalyq №50 mektep-lıtseıine bardy.

Osy shara aıasynda A. Aıymbetov «Qazǵarysh» lıtseıiniń oqýshylarymen, ujymymen kezdesti. Ol Halyqaralyq ǵarysh stansasynda QR Besinshi ǵaryshtyq baǵdarlamasy boıynsha júrgizgen zertteýleri men tájirıbeleri jaıly aıtyp berdi.

«Men kishkentaı kezimde ǵaryshker bolýdy armandaǵanmyn. Ǵaryshqa ushyp, ǵarysh keńistigin tamashalaǵym kelgen armanym oryndaldy. Armandańdar, aldaryńa maqsat qoıa bilińder, ol mindetti túrde oryndalady», - dedi ǵaryshker.

Áńgimelesý barysynda tyńdaýshylar Aıymbetovke lıtseı oqýshylary suraqtar qoıyp, oǵan tolyqqandy, naqty jaýaptar aldy, dep habarlady Qazǵarysh baspasóz qyzmetinen.

Kezdesý qorytyndysy boıynsha A. Aıymbetovke mektep murajaıynyń eksponattary tanystyryldy.