Aıdy baqylaýǵa múmkindik beretin álemdik joba qolǵa alynatyn boldy
ASTANA. 8 tamyz. QazAqparat - Onlaın rejıminde Aıdy baqylaýǵa arnalǵan halyqaralyq joba iske qosylady. Bul jaıynda «ál-Arabııa» habar taratty.
Atalmysh jańalyqqa sáıkes árkim qasıetti Ramazan aıynyń týǵan kezi men aıaqtalǵan kezin anyqtaýǵa múmkindik beretin «nurdyń» paıda bolǵan sátin óz kózimen tamashalaı alatyn bolady.
Naqtyraq aıtsaq, teleskopty paıdalaný arqyly ǵaryshtan túsirilgen sýretke qarap otyryp, aıdyń týǵan kezi men tolǵan ýaqytyn anyqtaýǵa múmkindik bar. Muslim.kz saıtynyń jazýynsha, tabıǵattyń osynaý qubylysyn Iordanııadaǵy Amman qalasynan jáne Lıvııanyń Trıpolı shaharynan arnaıy mamandar qadaǵalaıtyn bolady. Bul monıtorıng naqty ýaqyt rejıminde berilip, arnaıy saıtta jaryq kóredi. Saıt arab jáne aǵylshyn tilderinde júredi.
