Aıdos Úkibaı Elbasynyń qazaqstandyqtardy Táýelsizdik kúnimen quttyqtaǵan vıdeosyn jarııalady

NUR-SULTAN. QazAqparat – QR Tuńǵysh Prezıdenti – Elbasynyń baspasóz hatshysy Aıdos Úkibaı Twitter áleýmettik jelisinde Nur-Sultan Nazarbaevtyń qazaqstandyqtardy Táýelsizdik kúnimen quttyqtaǵan vıdeosyn jarııalady, dep habarlaıdy QazAqparat.

Vıdeoda Elbasy Qazaqstan halqyn merekemen quttyqtap, táýelsizdik jyldarynda atqarylǵan ister týraly aıtyp ótti.

«Men 30 jyl boıy jas urpaqtyń jarqyn bolashaǵy men el múddesi jolynda aıanbaı eńbek etkenimdi maqtan tutamyn. Bul zor mártebe mol baqyt. Elim úshin, halqym úshin, táýelsiz Qazaqstanym úshin naryqtyń qaı synaǵyna da táýekel dep bas tigýge daıyn turǵanymdy bilesizder. Táýelsizdik sııaqty qasterli qundylyqtardy saqtaýǵa tyrystym. Bar kúsh-jigerimdi týǵan elimniń eńsesin bıik ustaýǵa arnadym. Artymda arqa súıer halqymnyń turǵany barlyq synaqtardy súrinbeı ótýime uıtqy boldy. Egemendiktiń alǵashqy sátinen bastap, Otanymyzdy órkendetýge, eldigimizdi nyǵaıtýǵa zor úles qosqan, zamannyń aýyr júgin birge kótergen barsha Qazaqstan jurtshylyǵyna shynaıy alǵysymdy bildiremin»,-dedi Elbasy.

— inform.kz inform.kz