Aıdos Sultanǵalı Túrkııada halyqaralyq týrnırdiń chempıony atandy
ASTANA. QazAqparat - Túrkııa astanasy Ystanbulda grek-rım kúresi boıynsha Vehbı Emre atyndaǵy halyqaralyq týrnır aıaqtaldy, dep habarlaıdy sports.kz.
Túrkııada dástúrli jyl saıynǵy jarys 36-shy ret ótip jatyr. Oǵan álemniń 25 eliniń balýandary qatysty. Qazaqstannyń qorjyny 1 altyn, 4 qola medalmen tolyqty. 60 keli salmaq dárejesindegi Aıdos Sultanǵalı aqtyq synda moldovalyq balýan Vıktor Kıobanýdy jeńip, týrnırdiń chempıony atandy. 55 keli salmaq dárejesinde Horlan Jaqansha men Janserik Sársenbıev, Ibragım Magomedov (72 kg), Tamerlan Shadýkaev (77 kg) qola medal ıelendi.
On salmaq dárejesiniń tórteýinde túrik balýandary chempıon atandy. Belarýstan kelgen balýandar eki altyn jáne Ázerbaıjan, Qazaqstan, Grýzııa jáne Ýkraına balýandary bir altynnan jeńip aldy.