Aıdos Sultanǵalı grek-rım kúresinen 26 jyldan keıin álem chempıonatynda altyn aldy

ASTANA. KAZINFORM — Horvatııa astanasy Zagreb qalasynda ótip jatqan grek-rım kúresinen álem chempıonatynda Aıdos Sultanǵalı (60 keli) altyn medal aldy.

Otandasymyz fınalda ózbekstandyq Alısher Ganıevten basym tústi. 

Bul — el quramasy qorjynyna 26 jyldan beri túsken altyn medal. 1999 jyly qazaqstandyq Mhıtar Manýkıan (63 keli) jeńiske jetse, 1998 jyly Bahtııar Baıseıitov álem chempıony bolǵan.

Aıta ketsek, 60 kelige deıingi salmaqtyń jartylaı fınalynda Amıran Shavadzemen (Grýzııa) kezdesti.

Aıdos beldesý barysynda 1:2 esebimen utylyp jatqan edi. Degenmen beldesýdiń sońyna qaraı eki tıimdi ádis qoldanyp, aıqyn basymdyqpen jeńiske jetti. Qorytyndy esep: 8:2.

Aıdos Sultanǵalı 1996 jyly Qyzylorda qalasynda dúnıege kelgen. Qazirge deıin 2018, 2022 jyldary álem chempıonatynda qola júldeger atandy. 2021 jyly Azııa chempıony ataǵyn jeńip aldy. 

Horvatııadaǵy álem chespıonatynda otandasymyz Maksvell Hopper Blekti (AQSh), Melkamý Feteneni (Izraıl), Parıj Olımpıadasynyń jáne Azııa oıyndarynyń qola júldegeri Seýn Lıdi (Soltústik Koreıa), Amıran Chavadzede (Grýzııa) sekildi qarsylastaryn qapy qaldyrdy.