Aıdos Sultanǵalı - Álem chempıonatynyń qola júldegeri
QYZYLORDA. QazAqparat - Bydgoş qalasynda (Polsha) grek-rım kúresinen 23 jasqa deıingi erler arasynda ótken Álem chempıonatynda qyzylordalyq Aıdos Sultanǵalı 59 keli salmaqta qola júldeni ıelendi.
Bul týraly QazAqparat tilshisi habarlady.
Ol birinshi beldesýde Aljır sportshysyn tehnıkalyq ádispen jeńse, odan keıingi kezdesýlerde qarsylastaryn 10:4, 6:5 esepterimen aıqyn basymdyqpen utty. Jartylaı fınalda japon balýanyna 6:5 esebimen ese jiberip aldy. Qola medal úshin bolǵan kezdesýde Bolgarııa sportshysynan aılasyn asyryp, úshinshi oryndy enshiledi.
Aıtýly jarysqa Qazaqstan quramasynan 8 sportshy qatyssa, jalǵyz qola medaldi Syr sportshysy oljalady. Aıta keteıik, oblys tarıhynda 2005 jyly grek-rım kúresinen eresekter arasynda Ermek Kóketov Álem chempıonatynda qola júldeger atansa, mine endi onyń jetistigin izbasary Aıdos qaıtalap otyr.
A.Sultanǵalı 1996 jyly Qyzylorda qalasynda týylǵan. Grek-rım kúresinen QR halyqaralyq dárejedegi sport sheberi, jastar arasynda Qazaqstan chempıony, eresekter arasynda kúmis júldeger. 2015 jylǵy jasóspirimder, 2016 jylǵy jastar arasyndaǵy Azııa chempıony. Bıylǵy jylǵy Ashhabad qalasynda ótken jabyq keshendegi Azııa oıyndarynyń qola júldegeri.
Oblystyq joǵary sport sheberligi mektebinde tálim alatyn Aıdostyń bapkerleri Ǵabıden Raıymbek jáne QR eńbek sińirgen jattyqtyrýshysy Vıktor ıÝn.
