Aıdos Shambýlov Energetıka mınıstrliginiń Ákimshilik jumys departamentin basqarady
ASTANA. KAZINFORM — Prezıdenttik jastar kadr rezerviniń ókili Energetıka mınıstrliginde basshylyq qyzmetke taǵaıyndaldy, dep habarlaıdy vedomstvonyń baspasóz qyzmeti.
— Energetıka mınıstrligi Apparaty basshysynyń buıryǵymen Aıdos Sozaqbaıuly Shambýlov Ákimshilik jumys departamentiniń dırektory bolyp taǵaıyndaldy, — delingen habarlamada.
Aıdos Shambýlov ál-Farabı atyndaǵy Qazaq ulttyq ýnıversıtetin «Quqyqtaný» mamandyǵy boıynsha támamdaǵan. «Bolashaq» halyqaralyq baǵdarlamasynyń túlegi, University of California ýnıversıtetinde «Quqyq» mamandyǵy boıynsha bilim alǵan.
Qazaqstan Respýblıkasy Prezıdenttik jastar kadr rezerviniń múshesi.
Eńbek jolyn Ońtústik Qazaqstan oblysy Tabıǵı resýrstar jáne tabıǵat paıdalanýdy retteý basqarmasynyń Memlekettik satyp alýdy uıymdastyrý bóliminiń bas mamany qyzmetinen bastaǵan.
Ár jyldary memlekettik jáne kvazımemlekettik uıymdarda basshylyq qyzmetter atqarǵan. «Samruk-Kazyna Construction» AQ-nyń ákimshilik jumys bólimin basqarǵan, sondaı-aq Astana qalasy Ádilet departamenti basshysynyń orynbasary qyzmetin atqarǵan.
Osy taǵaıyndaýǵa deıin «GrandBuildCompany» JShS-niń basqarýshy dırektory qyzmetinde jumys istedi.
Buǵan deıin habarlanǵandaı, Erlan Qarın jańa laýazymdy qyzmetke aýysty.
