Aıdos Sarym: Jurtshylyqqa durys naryqtyq kózqarastardy nasıhattaý kerek
«Sońǵy bir 20 jyldy alatyn bolsaq, qazaq ádebıetinde bızneske qatysty qandaı povest nemese roman oqydyńyzdar? Bizdiń jazýshylardyń bıznesmenderdi jaǵalap júrip, demeýshi izdeıtini ras. Biraq, bıznesti bıznes retinde qazaqtyń ishinde nasıhattaǵan bir úlken ónim joq. Men kezinde bolshevıkterdiń memlekettik tapsyrys boıynsha jazǵan «Magnıt kody» týraly jaz nemese basqasy degendi aıtpaı-aq qoıaıyn. Biraq, osyny bir fenomen retinde ashqan, meniń oıymsha, úlken týyndy joq sııaqty», - deıdi Aıdos Sarym.
Saıasattanýshynyń aıtýynsha, jazýshy korpýsy negizinen keńes zamanynda dúnıege kelgendikten, onyń negizig qundylyqtary - bolshevıktik, keńestik, solshyl kózqarastarǵa jaqyn sııaqty.
«Bizde baılyqtyń qasynda negatıvti konnotatsııa kóp. Bıznesmen degen shyn máninde óziniń ómiri men taǵdyryn qolyna alǵan adam ǵana emes, ol birdeńeni urlap alǵan, aýyrdyń ústimen, ońaıdyń astymen júrgen adam degen sekildi solaqaı pikirler kóp. Sońǵy saýalnamalardy qaraıyq: mysaly toqsanynshy jyldardyń basynda jastarymyzdyń basym kópshiligi bıznesmen, qarjyger, bankır bolamyn dese, búgingi jastardyń talap-tilekteri memlekettik qyzmet pen kúshtik qurylymdardan aspaıtyn sııaqty. ıAǵnı, memlekettik kúshti paıdalaný arqyly bıznes jasaý kerek dep oılaıdy. Oǵan da negiz bar. Sebebi, jastar aqymaq emes. Ómirdiń shyndyǵyn kórip júr», - deıdi ol.
Aıdos Sarymnyń sózine sáıkes, keńes zamanynan kele jatqan «baı jaman, baılyq jaman» degen taptaýryn túsinikterdi «syndyrý» kerek.
«Bizdiń jazýshylar korporatsııasy sol solshyl kózqarastardy ál kúnge deıin jalǵastyratyn tap bolyp keledi. Óıtkeni, bizdiń klassık jazýshylarymyz búginge deıin suhbat berip otyryp, «naryq zamany - ıttiń zamany» degen sekildi oı aıtady. Ras qoı. ıAǵnı, meniń naqty usynysym - «Atamekenge» (UKP - avt.) nemese iri kásipkerlerge jalpy qazaq ishindegi durys lıberaldyq, durys naryqtyq kózqarastardy nasıhattap, sonyń ádebı nusqasyn berýi kerek», - deıdi Aıdos Sarym.
Eske sala ketsek, atalǵan otyrysta aýyl turǵyndaryna kásip ashýda qoldanylatyn termınder men tirkesterdi túsindirýge arnalǵan «Kásipkerler sózdigi» tanystyrylǵan bolatyn. Atalǵan oqýlyqty «Atameken» Ulttyq kásipkerler palatasy men A.Baıtursynuly atyndaǵy Til bilimi ınstıtýty birlesip shyǵaryp otyr.