Aıdos Sarym teńge baǵamyna qatysty pikir bildirdi
«Men ekonomıst emespin, biraq baǵamnyń qubylmalyǵy týyndaǵan jaǵdaıda turǵanymyz túsinikti. Eger jaǵdaı kúrt nasharlasa, onda teńgege qatysty ahýal qıyn bolatyny anyq», - dedi A. Sarym Májilistyń jalpy otyrysynan keıin tilshiler saýalyna jaýap bere otyryp.
Osy oraıda ol Qazaqstan men Reseı ekonomıkalary óte tyǵyz ózara baılanysty ekenin eske saldy.
«Kórshiles el bolǵannan keıin bizdiń ekonomıkalyq qarym-qatynasymyz bar. Onda 1 mln qazaq, al bizde 3 mln orys turyp jatyr. Sonymen qatar birlesken kásiporyndar jumys isteýde jáne ımporttyń eleýli kólemi qamtylǵan», - dedi depýtat.
Onyń paıymynsha, jalpy, bolyp jatqan jaǵdaıda táýekeldi azaıtýǵa tyrysa alamyz, alaıda onyń barlyǵyn bir sátte retke keltire alatyn tetik joq.
«Bıilikti synaýshylardyń ózderi bul jaǵdaıda tıimdi 10 nemese 3 sheshimdi usyna almaıdy. Ókinishke qaraı, bul fors-major jaǵdaı», - dedi Aıdos Sarym.
