Aıdos Sarym: Parlament saılaýǵa qatysty demokratııalyq normany qabyldady

NUR-SULTAN. QazAqparat – Qazaqstan zamanaýı saıası modelge kóship jatyr. Bul týraly QR Parlamenti Májilis depýtaty Aıdos Sarym aıtty, dep habarlaıdy QazAqparat tilshisi.

«Negizgi úsh baǵyt boıynsha ózgeris engizildi. Onyń birinshisi Prezıdenttiń ókilettiligi men bir márte saılanýyn qamtyp otyr. Osy oraıda Prezıdenttiń ókilettiligi 7 jylǵa deıin uzartylady. Memleket basshysy qol qoıǵan kúnnen bastap kúshine enip, osy prezıdenttik saılaýǵa Prezıdenttiń bir ǵana márte barýyna múmkindik ashady. Bul sheshim demokratııalyq norma bolyp tur. ıAǵnı, jeti jyl saıyn keıin bılikke jańa Prezıdent kelip otyrady», - dedi A. Sarym Parlament palatalarynyń birlesken otyrysanan keıin tilshiler saýalyna jaýap bere otyryp.

Sonymen qatar ol 7 jyldyq merzim aldaǵy ýaqytta ózgermes úshin tıisti talaptar eskerilgenin aıtty.

«Qoǵamda túrli alypqashpa áńgimeler bar. Bul turǵyda «bolshaqta bıliktiń monopolızatsııasy, ýzýrpatsııasy bolmaı ma» degen pikirler aıtylyp júr. Konstıtýtsııadaǵy 91-baptyń 2-tarmaǵyna arnaıy ózgeris engizildi. Onda Respýblıkanyń birtutastyq pen aýmaqtyq tutastyǵy, memlekettiń təýelsizdigi degen uǵymdar bar. Sonymen qatar, búgin qabyldanǵan sheshimge qatysty bolashaqta eshqandaı ózgeris bolmaýy kerek degen eskerilgen», - dedi depýtat.

«Munymen qosa, elordanyń burynǵy ataýy qaıtarylyp jatyr. Onyń sebebin Ádilet mınıstri de, depýtattar da ashyq ári anyq aıtyp berdi. Bul rette qoǵamnyń talap-tilegi nazarǵa alynyp otyr», - dedi Aıdos Sarym.

Budan buryn habarlanǵandaı, búgin Parlament palatalarynyń birlesken otyrysynda «Qazaqstan Respýblıkasynyń Konstıtýtsııasyna ózgerister men tolyqtyrý engizý týraly» Qazaqstan Respýblıkasynyń Zańyn qabyldady.