Aıdos Sarym Májilistiń Halyqaralyq ister, qorǵanys jáne qaýipsizdik komıtetine aýysty
NUR-SULTAN. QazAqparat – Búgin Májilistiń jalpy otyrysynda depýtat Aıdos Sarym palatanyń Halyqaralyq ister, qorǵanys jáne qaýipsizdik komıtetine aýysty, dep habarlaıdy QazAqparat tilshisi.
«Parlamenttiń komıtetteri men komıssııalary týraly» Zańnyń 17-babyna sáıkes, Májilis depýtaty Aıdos Sarymnyń Áleýmettik-mádenı damý komıtetinen Halyqaralyq ister, qorǵanys jáne qaýipsizdik komıtetine aýysý týraly ótinishi tústi. Osyǵan baılanysty depýtat A.Sarymnyń atalǵan komıtetke aýysýy týraly ótinishin qanaǵattandyrýdy usynamyn», - dedi Halyqaralyq ister, qorǵanys jáne qaýipsizdik komıtetiniń tóraıymy Aıgúl Quspan.
Jalpy otyrysta palata depýtattary atalǵan ótinishke qoldaý bildirdi.
Budan buryn habarlanǵandaı, jaqynda depýtat Saıasat Nurbekti Áleýmettik-mádenı damý komıtetinen Halyqaralyq ister, qorǵanys jáne qaýipsizdik komıtetine aýystyrý týraly sheshim qabyldanǵan.
