Aıdos Sarym Astanany gazdandyrý jobasyn EKSPO kórmesine teńedi
«Bul - elimizde jáne álemde bolyp jatqan oqıǵalarǵa berilgen, eń aldymen áleýmettik mazmuny bar keshendi jaýap. Qazaqstan jumys oryndaryn ashý múmkindigi kúrdeli memleket. Osy jaǵdaıda Astanany gazdandyrý men ony ary qaraı basqa óńirlerge uzartý «EKSPO» kórmesinen salystyrýǵa bolatyndaı jobalardyń biri bolyp tabylady. Bul - jańa jumys oryndary men jańa ınvestıtsııalar. Gaz qubyrlarynyń baǵdaryndaǵy kóptegen turǵylyqty eldi mekender óziniń áleýmettik-ekonomıkalyq kórsetkishterin jaqsarta alady», - dep pikirin bildirdi Aıdos Sarym.
Saıasattanýshy óz sózinde gazdandyrý jobasy elorda turǵyndary men Astananyń jalpy ekonomıkasy úshin aýqymdy ilgerileýshilik bolatynyna senim bildirdi.
«Qoljetimdi baspana týraly aıtylýdyń mańyzy odan kem emes. Ipotekalyq baǵalardyń tómendeýi, olardyń bir deńgeıde belgilenýi, uzartylýy - osy usynys paketteriniń ishindegi eń mańyzdy qadam dep aıtýǵa bolady. Bul aıqyndylyqqa, jańadan ómir bastap kele jatqan jas otbasylarǵa josparlaı bilýge jol ashady», - dedi saıasattanýshy.
Onyń aıtýynsha, Prezıdenttiń bastamalary ekonomıkany saýyqtyrýǵa baǵyttalǵan.
«Bul bastamalardy júzege asyrý úshin Úkimet qarjylandyrýdyń mehanızmderi men qaınar kózderi boıynsha jumysty aıqyndaıtyn bolady. Sol kezde tereńirek aıtýǵa bolar. Biraq, jalpy bul bastamalar júzege asyrylsa, keleshekte el ekonomıkasynyń ósimine oń serpin beredi», - dep túıdi Aıdos Sarym.
