Aıdos Sarym: Konstıtýtsııalyq reforma — el tarıhyndaǵy mańyzdy mıssııa

ASTANA. KAZINFORM — Konstıtýtsııalyq reforma jónindegi komıssııasynyń 7-otyrysynda komıssııa múshesi, Májilis depýtaty Aıdos Sarym jańa Konstıtýtsııa jobasynyń tarıhı mańyzdylyǵyna toqtaldy.

Onyń aıtýynsha, ázirlenip jatqan jańa Konstıtýtsııa elimizdi qazirgi geosaıası jáne quqyqtyq táýekelderden qorǵaýǵa baǵyttalǵan. Depýtat reformany el tarıhynda sırek kezdesetin múmkindik dep baǵalap, qoǵam men azamattardyń qatysýy onyń erekshe qundylyǵyn arttyratynyn atap ótti.

— Biz búgin Konstıtýtsııa jasap qana qoımaı, eldiń bolashaǵyn qamtamasyz etetin mıssııany oryndaımyz. Bul protsess árbir qatysýshy úshin tarıhı jaýapkershilik, al qoǵam úshin — óz keleshegin qalyptastyrýǵa múmkindik, — dedi Aıdos Sarym.

Sonymen qatar, ol jańa Konstıtýtsııanyń eldiń saıası júıesin turaqtandyrýǵa, azamattardyń quqyqtary men bostandyqtaryn qorǵaýǵa, tehnologııalyq jáne áleýmettik damýǵa negiz bolatynyn atap ótti.

Budan buryn habarlanǵandaı, búgin Konstıtýtsııalyq reformalar jónindegi komıssııanyń otyrysynda Memlekettik keńesshi qazirgi Konstıtýtsııa men jańa Konstıtýtsııanyń aıyrmashylyqtaryn atady.