Aıdos Erbosynulynyń úsh tıtýl úshin aıqasatyn qarsylasy 27 ret jeńiske jetken
NUR- SULTAN. QazAqparat – Qazaqstandyq boksshy Aıdos Erbosynulynyń (13-0, 9 KO) 26 shildede Mınskide ótetin boks keshinde kimmen jekpe- jekke shyǵatyndyǵy belgili boldy, dep habarlaıdy Sports.kz.
Ol túbi nıgerııalyq nemis Nýhý Lavalmen (27-6, 15 KO) aıqasady.
Sýper orta salmaqtaǵy WBO Global, WBC Asia jáne WBA International chempıondyq belbeýleriniń ıegeri Aıdos Erbosynuly on raýndqa eseptelgen bul aıqasta óz tıtýldaryn qorǵaıdy.
Sonymen qatar Suleimen Promotions promoýterlik kompanııasy osy boks keshine ózge qazaqstandyq boksshylar: orta salmaqtaǵy WBA Inter-Continental, WBO Oriental jáne IBF Pan Pacific chempıony Nursultan Jańabaevtyń (8-0, 5 KO), Nursultan Amanjolovtyń (2-0, 1 KO) jáne debıýtanttar — Bek Nurmaǵanbet pen Evgenııa Pavlovanyń qatysatyndyǵyn habarlady.
