Aıdos Erbosynuly WBA tıtýly úshin AQSh-ta rıngke shyǵady

ASTANA. QazAqparat – Qazaqstandyq boksshy Aıdos Erbosynuly (16-0, 11KO) 5 qarashada AQSh-tyń Mınneapolıs qalasynda WBA-diń orta salmaqtaǵy turaqty chempıony ataǵy úshin jekpe-jek ótkizedi. QazAqparat bul týraly áleýmettik jelidegi «Qazaqstannyń kásipqoı boksy» paraqshasyna silteme jasap habarlaıdy.

A.Erbosynulynyń qarsylasy – kýbalyq Davıd Morrel (7-0, 6KO).

«Aıdos Erbosynuly qatarynan eki aıqas ótkizgen 2017 jyldan beri alǵash ret AQSh-ta jekpe-jek ótkizedi. B oksshy Q azaqstannyń Almaty qalasynan shyqqan, ol aıqastan keıingi 9 kúnnen soń 31 jasqa tolady. Ol ótken jyldyń 12 qyrkúıeginde Astanada Lennoks Allendi onynshy raýndta nokaýtpen jeńip, Morreldiń ekinshi dárejeli tıtýlyna mindetti úmitker pozıtsııasyna engen bolatyn», — delingen aqparatta.

Aıdos kásibı mansabynda AQSh-ta tek eki jekpe-jek ótkizdi. Ol Qazaqstannan basqa, Ýkraınada, Aýstralııada, Reseıde jáne Belarýste sharshy alańǵa shyqqan.

Foto:sports.kz