Aıdos Erbosynuly WBA reıtıngindegi ornyn saqtap qaldy
Qazaqstan kásibı boks federatsııasynyń málimetinshe, Búkilálemdik boks qaýymdastyǵy (WBA) 31 jeltoqsanda óz reıtıngin jańartqan. Onda eki qazaqstandyq bar.
Ekinshi orta salmaqtaǵy ekinshi oryn Aıdos Erbosynulyna tıesili. Ol 21 jeltoqsanda venesýelalyq Omar Garsııany nokaýtpen jeńip, WBA International, WBO Global jáne WBC Asia tıtýldaryn qorǵady. Bul dıvızıondaǵy onynshy orynǵa Taldyqorǵannyń týmasy Anatolıı Mýratov jaıǵasqan. Germanııalyq boksshy WBA tiziminde Qazaqstan ókili retinde kórsetilgen.
Jartylaı orta salmaqtaǵy WBA Inter-Continental, WBO Oriental jáne IBF Australasian tıtýldarynyń ıesi Nursultan Jańabaev altynshy orynnan jetinshi orynǵa syrǵydy. Ol jeltoqsan aıynda jaraqatyna baılanysty jekpe-jegin keıinge qaldyrǵan edi.
Aıta keteıik, WBA reıtınginde Qazaqstannyń bir álem chempıony bar, ol – birinshi aýyr salmaqtaǵy «turaqty» chempıon Beıbit Shúmenov. Boksshy 2018 jyldyń shildesinen beri rıngke shyqqan joq.