Aıdos Erbosynuly sońǵy jeńisinen keıin WBO reıtınginde joǵary satyǵa kóterildi
NUR-SULTAN. QazAqparat – Dúnıejúzilik boks uıymy (WBO) barlyq salmaq sanatyndaǵy reıtıngtiń sońǵy nusqasyn jarııalady, dep habarlaıdy QazAqparat Sports.kz saıtyna silteme jasap.
Tamyz aıyndaǵy rangter týraly kestede qazaqstandyq sýper orta salmaqtaǵy Aıdos Erbosynuly jetinshi orynnan altynshyǵa kóterildi.
Eske sala keteıik, 26 shildede Aıdos Mınskide ótken jekpe-jekte nemis boksshysy Nýhý Lavaldy nokaýtpen jeńip, WBO Global, WBC Asia jáne WBA International tıtýldaryn qorǵady.
Orta salmaq sanatyndaǵy basqa da qazaqstandyq boksshylar Qanat Islam men Jánibek Álimhanuly sáıkesinshe úshinshi jáne tórtinshi oryndaryn saqtap qaldy. Eske sala keteıik, eki sportshy da WBO nusqasy boıynsha tıtýlǵa ıe: Islam - WBO International chempıony, Álimhanuly - WBO Global belbeýiniń ıegeri.
