Aıdos Erbosynuly komadan soń Qazaqstanǵa oraldy

ASTANA. QazAqparat - Ekinshi orta salmaqtaǵy qazaqstandyq boksshy Aıdos Erbosynuly WBA Regular álem chempıony kishi Davıd Morrelden jeńilgennen keıin otanyna oraldy, dep habarlaıdy QazAqparat.

Qarashada Aıdos kýbalyqpen Mınneapolıste (AQSh, Mınnesota) judyryqtasyp, Morrel 12-shi raýndta jeńgen bolatyn. Aıqastan keıin Erbosynuly jergilikti aýrýhanalardyń birine jetkizilip, onyń mıyna qan quıylǵany anyqtalǵan bolatyn. Boksshy jasandy komaǵa túsip, ota jasaldy. Birneshe apta boıy dárigerlerdiń baqylaýynda boldy.

Aıdos Instagram Stories-te áýejaıda dostary men týystary qarsy alyp jatqan birneshe vıdeo men foto jarııalady. Buǵan deıin ol jankúıerlerine qoldaý bildirgenderi úshin alǵys aıtyp, bolashaqta rıngke oralǵysy keletinin aıtqan bolatyn.

Osyǵan deıin Aıdos Erbosynulynyń aýrýhanadan shyqqanyn jazǵan edik.

Foto: instagram.com/yerbossynuly_aidos