Aıdos Erbosynuly eń mańyzdy jekpe-jeginen keıin álemdik reıtıngide kóterildi

NUR-SULTAN. QazAqparat – Qazaqstandyq boksshy Aıdos Erbosynuly (16-0, 11 KO) Nur-Sultan qalasynda «Kóshpendiler shaıqasynda» gaıanalyq Lennoks Allendi (22-2-1, 14 KO) merziminen buryn jeńgennen keıin sýper orta salmaqta Boxrec.com saıtynyń reıtınginde kóterildi, dep habarlaıdy QazAqparat Sports.kz-ke silteme jasap.

Aıdos Erbosynuly onynshy raýndta nokaýtpen jeńip, 32-orynnan 31-orynǵa kóterildi. Sondaı-aq jeńilip kórmegen qazaqstandyq boksshy WBA nusqasy boıynsha álem chempıony tıtýly úshin jekpe-jekke úmitker boldy.

Eske sala keteıik, bul tıtýldyń ıegeri meksıkalyq boksshy – Saýl «Kanelo» Alvares (56-1-2, 38 KO).

Buǵan deıin Erbosynulynyń úsh belbeýi bar edi: WBC ABC, WBO Global jáne WBA International. Alaıda olardyń kem bireýi (WBA) vakanttyq bolyp, ol otandasymyz Bek Nurmaǵanbetke (5-0, 3 KO) buıyrdy.