Aıdos Erbosynuly aýstralııalyq Rokkımen aıqasady

NUR-SULTAN. QazAqparat - 27 jastaǵy qazaq boksshysy, ekinshi orta salmaqta WBC Asia, WBO Global, WBA International beldikteriniń ıesi Aıdos Erbosynuly (11-0, 8 KO) kelesi jekpe-jegin 14 tamyz kúni ótkizedi, dep habarlaıdy QazAqparat Sports.kz-ke silteme jasap.

Boks keshi Sıdneıdegi ICC Exhibition Centre arenasynda ótedi.

BoxRec.com saıtynyń habarlaýynsha, onyń qarsylasy - 31 jastaǵy jergilikti boksshy Rokkı Djerkıch (17-1, 13 KO). Jekpe-jek on raýndqa shaqtalǵan.

Eske sala keteıik, Aıdos sońǵy ret 24 naýryz kúni Almatyda rıngke kóterilgen. Sol kezde tóreshilerdiń biraýyzdan qabyldaǵan sheshimi boıynsha namıbııalyq Lýkas Ndafolýmany (15-1, 6 KO) jeńip, WBA International tıtýlyn alǵan bolatyn.