Aıdyń tolyq tutylýy: Jer serigi Azııada, Eýropada jáne AQSh-ta qyzǵylt túske enedi

ASTANA. KAZINFORM — 3 naýryz kúni álem Aıdyń tolyq tutylýyna kýá bolady. Bul kezde Aı qyzǵylt-sary reńkke boıalyp, «qandy Aı» dep atalatyn qubylys baıqalady, dep habarlaıdy AP.

Bul qubylys Soltústik jáne Ortalyq Amerıkada, sondaı-aq Ońtústik Amerıkanyń batys bóliginde tańerteń kórinedi, al Aýstralııa men Shyǵys Azııada keshki ýaqytta baıqalady. Tutylýdyń jartylaı kezeńderin Ortalyq Azııa men Ońtústik Amerıkanyń basym bóliginde kórýge bolady, al Eýropa men Afrıka aýmaǵynda bul qubylys kórinbeıdi.

Tolyq Aı tutylýy Jer Kún men tolyq Aıdyń arasyna ornalasyp, óziniń kóleńkesin Aıǵa túsirgen kezde bolady. Aıdyń qyzyl túske enýi Jer atmosferasynda Kún sáýleleriniń synýy saldarynan paıda bolady.

«Qandy Aıdy» ashyq aspan jaǵdaıynda jaı kózben kórýge bolady. Astronom Bennet Marýka Aıdyń birtindep kóleńkelenip, qyzyl reńkke boıalýyn kórý úshin syrtqa birneshe ret shyǵyp baqylaýǵa keńes beredi.

Kelesi jartylaı Aı tutylýy osy jyldyń tamyz aıynda kútiledi jáne ony Soltústik jáne Ońtústik Amerıkada, Eýropada, Afrıkada jáne Batys Azııada kórýge bolady.

Aıta keteıik, tolyq Aı tutylýy shamamen ár 18 aı saıyn bolyp turady. Sarapshylardyń pikirinshe, tutylýǵa deıingi jáne odan keıingi bir apta jetkilikti deńgeıde shıelenisti kezeń sanalady, bul ýaqytta mańyzdy is-sharalardy josparlamaǵan jón. Іri mámileler jasaýdy da usynbaıdy. Geosaıası turǵydan alǵanda, qaqtyǵystar men áskerı áreketterdiń ýshyǵýy múmkin.

Aıta keteıik, byltyr qyrkúıekte qazaqstandyqtar Aıdyń eń uzaq, tolyq tutylýyna kýá boldy. Biregeı tabıǵat qubylysy qyrkúıektiń 8-ine qaraǵan túni aıaqtaldy.