Aıdyn Kárimov Shymkent qalasy ákiminiń birinshi orynbasary boldy

ShYMKENT. KAZINFORM - Qazaqstan Prezıdenti Ákimshiliginiń kelisimimen jáne qala ákiminiń ókimimen Shymkent qalasy ákiminiń birinshi orynbasary laýazymyna Aıdyn Kárimov taǵaıyndaldy.

Aıdyn Meırambekuly 1988 jylǵy 1 qańtarda Semeı qalasynda týǵan, qazaq, bilimi joǵary. L.N.Gýmılev atyndaǵy Eýrazııa ulttyq ýnıversıtetin, Qazaq qarjy-ekonomıkalyq akademııasyn jáne KAZGıÝÝ ýnıversıtetin bitirgen. Mamandyǵy boıynsha biliktiligi - Esepteý tehnıkasy jáne baǵdarlamalyq qamtamasyz etý, qarjy, halyqaralyq quqyq.

Eńbek jolyn 2006 jyly Qazaqstan Tótenshe jaǵdaılar mınıstrliginiń «Esep tehnıkasy, telekommýnıkatsııa, ınformatıka jáne jaǵdaılyq taldaý ortalyǵy» jelilik tehnıka qyzmet kórsetý bóliminiń jetekshi mamany bolyp bastaǵan.

2007-2016 jyldary «Ulttyq aqparattyq tehnologııalar» aktsıonerlik qoǵamynda, Astana qalasy ákimi apparatynyń bólim basshysy, Semeı qalasy ákiminiń kómekshisi, Qazaqstan ekonomıkalyq damý jáne saýda mınıstrliginde bas sarapshy, Qazaqstan ekonomıka jáne bıýdjettik josparlaý mınıstrliginde basqarma basshysy, Halyqaralyq ekonomıkalyq ıntegratsııa departamenti dırektorynyń orynbasary boldy.

2016-2017 jyldary Qazaqstan Premer-Mınıstriniń Keńsesi Syrtqy baılanystar jáne protokol bóliminiń meńgerýshisi-Qazaqstan Respýblıkasynyń Premer-Mınıstri protokolynyń bastyǵy qyzmetin atqardy.

2019-2022 jyldary Qazaqstan Respýblıkasynyń Premer-Mınıstriniń Keńsesi Basshysynyń orynbasary, 2022-2023 jyldary Abaı oblysy ákiminiń birinshi orynbasary laýazymynda qyzmet etti.

2023 jylǵy qyrkúıek aıynan bastap osy kúnge deıin Shymkent qalasy ákiminiń orynbasary boldy.

Aıta keteıik, búginge deıin Shymkent qalasy ákiminiń birinshi orynbasary bolǵan Qýanysh Asylov basqa qyzmetke aýysýyna baılanysty bosatyldy.

Eske sala keteıik, budan buryn Almaty oblysy bilim basqarmasynyń basshysy aýysqanyn jazǵan bolatynbyz.