Aıdarbek Saparov senatorlarmen agroónerkásip keshenin damytý máselelerin talqylady
ASTANA. KAZINFORM - QR Aýyl sharýashylyǵy mınıstri Aıdarbek Saparov Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń depýtattarymen kezdesti.
Talqylaýǵa AShM basshylyǵy men senatorlardan bólek "Azyq-túlik kelisim shart korporatsııasy" UK" AQ, "Agrarlyq nesıe uıymy" AQ jáne "Ulttyq agrarlyq ǵylymı-bilim berý ortalyǵy" KEAQ qatysty. Kezdesýdiń basty taqyryby AÓK salasyn damytý máseleleri boldy.
Aýyl sharýashylyǵy mınıstri Memleket basshysynyń tapsyrmalaryn oryndaý maqsatynda vedomstvo salaǵa aýqymdy taldaý júrgizip, birqatar júıeli problemalar men sala úshin tejeýshi faktorlar anyqtalǵanyn atap ótti. Ásirese, ósimdik sharýashylyǵynda ártaraptandyrý úrdisi óz deńgeıinde emes. Óıtkeni, elimizdiń negizgi astyqty aımaqtarynda monomádenıet basym. Joǵary rentabeldi daqyldardy (maıly daqyldar, qant qyzylshasy, mal azyǵy) damytýǵa jáne sýdy kóp qajet etetin daqyldardy qysqartýǵa jetkiliksiz kóńil bólinedi.
Jıynda Aıdarbek Saparov qoldanylyp jatqan agrotehnologııalardyń jetkiliksizdigin jáne aýyl sharýashylyǵy tehnıkasyn jańartýdyń tómen qarqynyn umytpaýǵa tıistigin atap ótti. Nátıjesinde aýyl sharýashylyǵy daqyldarynyń shyǵymdylyǵy 9-10 ts/ga-dan aspaıdy jáne óndirilgen ónimniń ózindik quny joǵary. Sonyń saldarynan qazaqstandyq fermerdiń kórshi elderdiń sharýalarymen básekelesýge múmkindigi joq. Sonymen qatar, Aıdarbek Saparov óńdeýshi kásiporyndardy tolyq paıdalanbaý máselesin kóterdi, onyń basty sebebi – shıkizat tapshylyǵy men salany qarjylandyrýdyń tómendigi.
AShM basshysy Mınıstrlik jergilikti atqarýshy organdarmen birlesip jan-jaqty taldaý júrgizip jatqanyn da aıtty. Alaıda, qazirgi tańda vedomstvonyń basty mindeti kóktemgi egis jumystarynyń ýaqtyly bastalýyn jáne barlyq agrotehnologııalyq talaptardyń oryndalýyn qamtamasyz etý. Sonymen qatar, osy jyly elimizdiń birqatar oblystarynda maıly daqyldar egisi ulǵaıady, bul da nazar aýdarýdy jáne barynsha qoldaýdy talap etedi.
Sonymen qatar, kezdesýge qatysýshylar Memleket basshysynyń sala aldyna qoıǵan jáne Qazaqstannyń AÓK damytýdyń 2021-2030 jyldarǵa arnalǵan jańǵyrtylǵan tujyrymdamasyndaǵy negizdi mindetterdi de talqyǵa saldy.
