Aıdarbek Saparov: Mal sharýashylyǵyna sýbsıdııa berýdi toqtatyn shyǵarmyz

ASTANA. KAZINFORM – Aýyl sharýashylǵy mınıstri Aıdarbek Saparov mal sharýashylyǵyn damytýǵa kooperatıvter arqyly berilip kelgen sýbsıdııalar toqtaıtynyn aıtty.

Айдарбек Сапаров: Мал шаруашылығына субсидия беруді тоқтатын шығармыз
Фото: Мақсат Шағырбаев/Kazinform

Úkimet otyrysynan keıin ótken baspasóz máslıhatynda mınıstrge salaǵa bólinetin sýbsıdııalardyń tıimdiligi týraly suraq qoıyldy.

- Bul júıe jyldan-jylǵa ósip jatyr. Jylyna 450 mlrd teńge sýbsıdııa bólinedi. Qosymsha naqtylaý bolsa, 500-600 mlrd teńgege barady. Sondyqtan, árıne júıeni biz túzep jatyrmyz. Ózderińiz biletindeı, neshe túrli qylmystyq ister ashylyp jatyr. Ony jalǵyz antıkor emes, ózimiz de sol jaqqa berip jatyrmyz. Óıtkeni sýbsıdııa avtomatty túrde taratylady. Onyń ishinde neshe túrli jaǵdaılar bolady, - dedi vedomstvo basshysy.

Sondaı-aq, ol kooperatıv arqyly sýbsıdııa tartýdyń saldarynan aýyldaǵy halyqtyń malyna qoldaý jetpeı qalǵanyn aıtty.

- Kooperatıv jaǵynda keıbir sýbsıdııalar bar. Atyshýly, neshe túrli ataqty ister shyǵyp jatyr. Aýyldyń maldaryn qosyp, sýbsıdııa qarajaty jetpegen jaǵdaılary bar. Mal sharýashylyǵymen aınalysatyndar boıynsha qazir sýbsıdııadan ketý baǵytynda jumys tobyn ashtyq. Aýystyrýǵa daıyndap jatyrmyz. Daıyn etti et kombınatyna ótkizý boıynsha sýbsıdııaǵa aýysady. Olardy qoldaý úshin jeńildetilgen 5 paıyzdyq nesıe beriledi. Osyǵan qaǵaz-qujattardy daıyndap, engizbekpiz. Muny baqylaýǵa alyp, ustamasaq bolmaıdy, - dedi Aıdarbek Saparov.

Sondaı-aq, búgin Energetıka mınıstrligi kóktemgi egis maýsymyna dızel baǵasyn usyndy

Сейчас читают