Aıdarbek Saparov: Bıyl qant qyzylshasy rekordtyq kólemde jınaldy

ASTANA. KAZINFORM – Aýyl sharýashylyǵy mınıstri Aıdarbek Saparov aýyl sharýashylyǵy qyzmetkerleriniń birinshi forýmynda eldiń qant qyzylshasyna degen suranysy tolyqtaı otandyq ónimmen qamtamasyz etilgenin aıtty.

«Bıyl qant qyzylshasynyń rekordtyq ónimin jınaıyq dep otyrmyz – shamamen 1,2 mln tonna. Bul qant zaýyttaryn shıkizatpen júkteýge jáne qant ımportyna táýeldilikti azaıtýǵa múmkindik beredi», - dedi Aıdarbek Saparov.

Mınıstrdiń sózinshe, bıylǵy egis naýqany eldiń qant shıkizatyna degen suranysyn otandyq fermerler tolyq qamtamasyz ete alatynyn kórsetken.

«Biz klımattyń ózgerýi qosymsha qıyndyqtar týǵyzatyn qaýipti eginshilik aımaǵynda jumys istep kelemiz. Sondyqtan ozyq agrotehnologııalardy belsendi engizip, memlekettik qoldaý múmkindikterin barynsha paıdalaný óte mańyzdy. Bul sharalar ónimdilikti arttyryp qana qoımaı, qolaısyz aýa raıy jaǵdaıynda da kiristi saqtaýǵa múmkindik beredi», - dedi vedomstvo basshysy.