Aıdarbek Saparov: 27 iri jer ıelenýshiniń ornyna 27 ınvestor keldi

ASTANA. QazAqparat –Aýyl sharýashylyǵy mınıstri Aıdarbek Saparov iri jer ıelenýshilerdiń jeri orta deńgeıdegi ınvestorlarǵa berilgenin aıtty, dep habarlaıdy QazAqparat tilshisi.

«Bul máseleler kezinde boldy. Úlken kompanııalar jumys jasaǵan. Olardyń ornyna bólek ınvestorlar keldi. Mysaly, úlken kompanııa degende 27 qojalyq bolsa, olardyń ornyna 27 ortasha ınvestor keldi. Olardyń bári jumys istep jatyr, paılaryn taratyp berip jatyr. Endi usaq-túıek máseleler bar. Olar sheshiletin máseleler», - dedi Aqordada tilshiler suraǵyna jaýap bergen Aıdarbek Saparov.

Aıta keteıik, búgin Prezıdent Qasym-Jomart Toqaev Aqordada Albanııa Prezıdenti Baıram Begaımen kezdesip jatyr.

Sapar aıasynda eki el basshylary erteń saýda-ekonomıkalyq, kólik-logıstıkalyq, ınvestıtsııalyq jáne gýmanıtarlyq salalardaǵy yntymaqtastyqty nyǵaıtý máseleleri boıynsha kelissózder júrgizedi.

Sonymen qatar prezıdentter halyqaralyq jáne óńirlik jaǵdaılar jóninde pikir almasady dep kútiledi.