Aıdarbek Qojanazarov: Depýtatqa beriletin qyzmettik páter men kólikten bas tartýǵa daıynbyz

ASTANA. QazAqparat – Májilis depýtaty, «Resrublica» partııasynyń tóraǵasy Aıdarbek Qojanazarov memleketten beriletin qyzmettik páter men kólikten bas tartýǵa daıyn ekenin aıtty, dep habarlaıdy QazAqparat tilshisi.

«Qazirgi tańda depýtattar 1 mln teńgege deıin aılyq alady, negizinen 600-700 myń teńge. Siz óte tabysty kásipkersiz. Aldaǵy brineshe jylda depýttardyń aılyǵy kóterilmeıtinin eskersek, siz osyndaı aılyqqa jumys isteýge daıynsyz ba? Sonda ómirińizge kerek qosymsha aqshany qaıdan alasyz?» - dep surady BAQ ókili Májilis kýlýarynda.

Májilis depýtaty qazir óz ıeligindegi kompanııalar senimgerlik basqarýǵa ótkenin aıtty.

«Zańnama talaptarynyń aıasynda men kompanııalardy senimgerlik basqarýǵa tabystadym. Biraq, men sol kompanııalardan dıvıdentter alyp otyramyn. Sáıkesinshe, mende qarjylyq qıyndyqtar týyndamaıdy. Men josparlap otyrǵan joqpyn, tipti depýtattyń sol aılyǵyna asa bir suranyp ta turǵan joqpyn. Óıtkeni, depýttarǵa beriletin páter, máshıne sııaqty artyqshylyqtar úshin saılaýǵa túsken joqpyz. Óz partııalastarymnyń oǵan asa qulshynyp otyrmaǵanyn anyq bilem. Eger qandaı da bir zańdy joly bolsa, biz ol artyqshylyqtardan bas tartýǵa daıynbyz», - dedi depýtat.