Aıdar Jarylǵanov qyzmetinen bosatyldy
ASTANA. KAZINFORM – Aıdar Jarylǵanov Prezıdent Ákimshiligi Memlekettik quqyq bóliminiń meńgerýshisi laýazymynan bosatyldy. Bul týraly Aqorda habarlady.
– Memleket basshysynyń ókimimen Aıdar Tóletaıuly Jarylǵanov Qazaqstan Respýblıkasy Prezıdenti Ákimshiliginiń Memlekettik quqyq bóliminiń meńgerýshisi laýazymynan bosatyldy, - delingen habarlamada.
1978 jyly Semeı qalasynda dúnıege kelgen.
1999 jyly – «Semeı» Memlekettik ýnıversıtetin; 2001 jyly – «Ádilet» Joǵary quqyq mektebin aıaqtaǵan.
2001 – 2007 jyldary Memlekettik kirister mınıstrliginde jáne QR Qarjy mınıstrliginiń Salyq komıtetinde eńbek etken.
2007 jyldan bastap – 2019 jyldyń sáýir aıyna deıin Qazaqstan Respýblıkasy Prezıdenti Ákimshiliginde jumys istedi. Qazaqstan Respýblıkasy Prezıdenti Ákimshiliginiń Memlekettik quqyq bóliminiń sarapshysy, konsýltanty, ınspektory jáne sektor meńgerýshisi qyzmetterin atqardy.
2019 jylǵy sáýirden bastap 2023 jyldyń qańtaryna deıin Qazaqstan Respýblıkasy Prezıdenti Ákimshiliginiń Memlekettik quqyq bólim meńgerýshisiniń orynbasary.
2023 jylǵy 6 qańtarda Memleket basshysynyń ókimimen Qazaqstan Respýblıkasy Memlekettik quqyq bóliminiń meńgerýshisi laýazymyna taǵaıyndaldy.
«Qurmet» ordenimen (2020 j.), Qazaqstan Respýblıkasynyń Qurmet gramotasymen (2013 j.) marapattalǵan.
