Aıdar Sháribaevtyń jekpe-jegi tikeleı efırden kórsetiledi
ASTANA. QazAqparat - Elimizdiń kásipqoı boks jankúıerleri Aıdar Sháribaevtyń chempıondyq jekpe-jegi tikeleı efırden kórsetiledi, dep habarlaıdy QazAqparat.
«Golden Boy» promoýterlik kompanııasynyń uıymdastyrýymen ótetin atalmysh kásipqoı boks keshin álem boıynsha ESPN telearnasy kórsetedi. Al qazaqstandyq bokssúıer qaýym jerlesimizdiń jekpe-jegin Astana ýaqytymen 13 sáýirdiń kúni tańerteń «Setanta Qazaqstan» telearnasy arqyly tikeleı efırden tamashalaı alady. Keshtiń basty aıqasynda ekinshi jartylaı jeńil salmaq dárejesiniń boksshylary meksıkalyq Fransısko Vargas pen amerıkalyq Rod Salka sharshy alańǵa shyǵady.
Aıta keteıik, «Diamond ring» boksshysy óziniń kezekti kezdesýin AQSh-tyń Indıo qalasynda ótkizedi. 10 raýndqa josparlanǵan bul jekpe-jekte jerlesimiz amerıkalyq Endrıý Kanchıomen aıqasyp, ekinshi jartylaı jeńil salmaq dárejesindegi WBA Inter-Continental chempıondyq belbeýin sarapqa salynady.
Bul AQSh-tyń Maıamı qalasynda jeke bapkeri Derık Santos-Rosarıomen jattyǵyp júrgen Aıdar Sháribaevtyń segizinshi jekpe-jegi bolmaq.
