Aıdar Sháribaev salmaq ólsheý rásiminen ótti
ASTANA. QazAqparat - Búgin Kalıfornııanyń Fantasy Springs Resort kesheninde qazaqstandyq Aıdar Sháribaev salmaq ólsheý rásiminen sátti ótti, dep habarlaıdy QazAqparat diamondring-ge silteme jasap.
Aıdardyń tarazydaǵy taza salmaǵy 129,4 fýntty kórsetse, onyń qarsylasy amerıkalyq Endrıý Kanchıonyń taza salmaǵy 130 fýntty kórsetti. Sondaı-aq, boksshylar dástúrli túrde bir-birimen kóz arbasty. Shara barysynda WBA Inter-Continental belbeýin áıgili Bernard Hopkınstiń ózi ortaǵa alyp shyqty.
Aıta keteıik, otandasymyz AQSh ýaqytymen 12 sáýir kúni meksıkalyq Fransısko Vargas (24-1-2, 17 KO) pen amerıkalyq Rod Salkanyń (24-4, 4 KO) jekpe-jegi aıasynda sharshy alańǵa shyǵady. Eki boksshy ekinshi jartylaı jeńil salmaq dárejesindegi WBA Inter-Continental belbeýin sarapqa salady.
