Aıdar Sháribaev: Golovkın men Alvarestiń teketiresi trılogııaǵa aınalýy múmkin

Aıta keteıik, Sháribaevtyń Amerıkada oqý-jattyǵý jıynyn ótkizip, kelesi kezdesýine daıyndalyp júrgenine úsh aıdan asty.

«Men ornalasqan Maıamıde qazir jurttyń áńgimesi tek osy jekpe-jek jaıly bolyp otyr. Ár buryshta Golovkın men Alvarestiń aıqasy týraly pikirtalas qyzyp tur. Kóbisi Gennadııdiń jeńetinine senimdi. Men de solaı. Jerlesimiz bul jekpe-jekke barynsha daıyndalyp, babynda keldi dep oılaımyn. Álbette, «Sary baladan» da qaýip kóp. Qazirgi zamannyń eń myqty boksshylarynyń biri. Onyń ústine, Golovkınmen salystyrǵanda jas. Alaıda, men Triple G nokaýtpen jeńedi dep otyrmyn. Mundaı aıqastarda bárin bir soqqy sheshedi. Sol soqqyny Golovkın jasaýy tıis. Degenmen, eger segizinshi raýndqa deıin nokaýtqa túsirmese, odan keıin «Kanelo» qulamaıdy. Sońyna deıin shydaıdy da, tóreshilerdiń sheshimin kútetin bolamyz, - dedi Aıdar.

Alaıda, Sháribaevtyń pikirinshe, jekpe-jek teń ótken jaǵdaıda tóreshiler meksıkalyqqa bolysady dep oılaý qatelik. Óıtkeni, Alvarestiń jeńisi úshinshi tarapqa tıimsiz.

«Qansha jerden moıyndaǵymyz kelmegenimen bokstyń da óz saıasaty bar. «Kanelonyń» jeńisi uıymdastyrýshylarǵa tıimsiz. Sebebi, ol jeńiske jetken jaǵdaıda Golovkınge qarymta qaıtarýǵa múmkindik bermeıdi. Al Triple G kerisinshe, «Sary balamen» ekinshi ret kezdesýge ketári emes. Menińshe, jerlesimiz jeńgen jaǵdaıda bul teketires trılogııaǵa sozylýy múmkin. ıAǵnı, birinshisinde Golovkın jeńse, ekinshisinde jeńis meksıkalyqqa beriledi. Al úshinshi jekpe-jekke búkil álem kóz tigedi. Uıymdastyrýshylardyń jospary, menińshe, osyndaı», - dep qorytyndylady Sháribaev.

Esterińizge sala keteıik, Aıdardyń ózi kásipqoı bokstaǵy kelesi aıqasyn qazan aıynyń basynda ótkizedi dep kútilýde. Qarsylasy aldaǵy aptada anyqtalýy tıis.