Aıdar Sháribaev amerıkalyq boksshydan jeńilip qaldy
ASTANA. QazAqparat - Aıdar Sháribaev (7-1, 6 KO) AQSh ókili Endrıý Kanchıomen (18-4-2, 14 KO) tıtýldyq jekpe-jegin ótkizdi, dep habarlaıdy «SPORTINFORM» SAA.
Indıoda ótken aıqasta boksshylar ekinshi jartylaı jeńil salmaqtaǵy WBA InterContinental beldigi úshin kúsh synasty. Jerlesimiz jekpe-jekti qarqyndy bastady. Alaıda úshinshi, besinshi raýndtarda nokdaýnǵa túsip qaldy. Sońǵy onynshy raýndta tóreshi jekpe-jekti toqtatyp, Sháribaevqa tehnıkalyq nokaýt jarııalady.
Bul qazaqstandyq bylǵary qolǵap sheberiniń 58,967 kılogramǵa deıingi salmaq sanatyndaǵy debıýti ári kásipqoı bokstaǵy alǵashqy jeńilisi boldy. Buǵan deıingi 7 kezdesýdiń barlyǵyn da Aıdar jeńispen aıaqtaǵan.
Eske sala keteıik, Golden Boy Promotions ótkizgen boks keshin ańyz boksshy Bernard Hopkıns júrgizgen bolatyn.
