Aıdar Mahmetov Qazaqstan MMA federatsııasy Baqylaý keńesiniń tóraǵasy mártebesinen aıyryldy
ASTANA. QazAqparat - MMA-dan Qazaqstannyń ulttyq quramasy Makaodan Astanaǵa oralǵannan keıin «Qazaqstan aralas jaýyngerlik jekpe-jek federatsııasy» músheleriniń jedel jınalysy ótti. Jınalys barysynda Aıdar Mahmetov Qazaqstan MMA federatsııasy Baqylaý keńesiniń tóraǵasy mártebesinen aıyryldy, dep habarlaıdy QazAqparat.
Qazaqstan MMA federatsııasy baspasóz qyzmetiniń habarlaýynsha, mundaı sheshimge Mahmetovtyń Qazaqstannyń Mádenıet jáne sport mınıstrliginde akkredıtatsııadan ótpegen federatsııa atynan Makaoda ótken MMA boıynsha álem chempıonatynda jalǵan ótinish tapsyrýy sebep bolǵan. Bul jaıt Qazaqstannyń memlekettik organdarynda jáne MMA boıynsha Búkilálemdik kongreste talqylanǵan.
«Osy jaǵymsyz jaǵdaı tek qazaqstandyq komandanyń ǵana emes, sondaı-aq búkil Qazaqstannyń mártebesiniń tómendeýine sebep bolyp, abyroıyna zııan keltirildi, ári ulttyq quramanyń jarysqa qatysýyna biraz kedergi týǵyzdy. Sonymen qatar, jalǵan ótinish tapsyrý deregi boıynsha, quqyq qorǵaý organdaryna tıisti qujattar tapsyrý týraly sheshim qabyldandy», - delingen taratylǵan aqparatta.
