Aıdar Arapov dzıýdodan Azııa chempıonatynyń qola júldegeri atandy
ASTANA. KAZINFORM - Qytaıdyń Ordos qalasynda ótip jatqan dzıýdodan Azııa chempıonatynyń úshinshi jarys kúninde Qazaqstan quramasynyń qorjyny qola medalmen tolyqty, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Jubanysh kezeńi arqyly úshinshi oryn úshin talasqa túsken Aıdar Arapov (-90 kg) Hanchjoýda ótken Azııa oıyndarynyń chempıony Erlan Sherovty (Qyrǵyzstan) jeńdi.
Qazirgi ýaqytta Ulttyq quramanyń enshisinde qurlyq birinshiliginde bir altyn jáne úsh qola medal bar. Qazaqstan jalpykomandalyq esepte 4-orynda keledi.
Sanaýly sátterden keıin qola júlde úshin Arýna Jangeldına synǵa túsedi.
Osyǵan deıin qazaqstandyq tórt dzıýdoshy Azııa chempıonatynyń qola júldesi úshin kúresetini týraly jazdyq.
